Missiya

Aran filialının 2005-ci ilin dekabrından başlayan fəaliyyətinə nəzər saldıqda onun müvəffəqiyyətlərini, muzeyşünaslıq və mədəni-kütləvi işlər sahəsində həyata keçirdiyi tədbirləri qeyd etmək yerinə düşərdi. Muzeyin fəaliyyətinin əsasını, ana xəttini təşkil edən fond işi üzrə Şöbə az vaxt içərisində 300-ə qədər bədii, elmi publisistik, monoqrafik əsərlər toplayaraq, onu zənginləşdirmişdir.

 

Filial muzeyin hədiyyə fonduna tanınmış yazıçı və şairlər, elm və mədəniyyət xadimləri, keçirilən tədbirlərin qonaqları tərəfindən verilən ərməğanlar daxil edilmişdir. Bu iş artıq ənənəyə çevrilmişdir.

 

“Filialımızın missiyası regionun zingin ədəbi-mədəni yaddaşını toplamaq, yerli əhalinin milli-mənəvi dəyərlərə əlçatanlığını təmin etmək, bölgənin mədəni, intellektual inkişafı üçün aparıcı mərkəzə çevrilmək”.