YAP Kürdəmir rayon təşkilatı tərəfindən “Şəhərsalma və Memarlıq İli” çərçivəsində Ulu Öndər Heydər Əliyevin anadan olmasının 103-cü ildönümünə həsr edilmiş “Heydər Əliyev və dövlətçilik fəlsəfəsi” mövzusunda tədbir keçirilib. Tədbirdə  Ulu öndərin həyat və fəaliyyəti, siyasi irsi , müasir Azərbaycanın inkişafı  yolundakı xidmətləri müzakirə olunub.

Tədbirdə çıxış edən Nizami Gəncəvi adına Milli Azərbaycan Ədəbiyyatı Muzeyinin Aran Regional filialının müdiri, filologiya üzrə fəlsəfə doktoru Yaqut Əşrəfova bildirib ki, Azərbaycan xalqının ümummilli lideri Heydər Əliyev müasir Azərbaycan dövlətinin qurucusu və memarı kimi tarixdə yer tutur. Onun dövlətçilik fəlsəfəsi milli maraqlara , xalqın rifahına, müstəqilliyin qorunmasına və güclü dövlət quruculuğuna əsaslanırdı. “Şəhərsalma və Memarlıq İli” çərçivəsində Heydər Əliyevin dövlətçilik ideyaları xüsusilə aktuallıq kəsb edir. Çünki, müasir şəhərlərin qurulması, infrastrukturun inkişafı və milli memarlıq ənənələrinin qorunması da məhz güclü dövlət siyasətinin nəticəsidir.

Daha sonra məruzəçi Ümummilli liderimiz Heydər Əliyevin Azərbaycana rəhbərlik etdiyi dövrlərdə həmişə xalqımızın milli-mənəvi dəyərlərinin qorunmasına, milli mədəniyyətimizin inkişafına, xalqın adət-ənənələrinin təbliğinə çalışmasından danışıb, Ulu öndərimiz Heydər Əliyevin türkdilli xalqların öz milli tarixlərini, doğma dillərini, ədəbiyyatlarını, mədəniyyət və incəsənətini, adət-ənənələrini qorumasını dəstəklədiyi vurğulanıb. Bu baxımdan Ümummilli lider Heydər Əliyev türkdilli ölkələrin mədəni əlaqələrini həyata keçirən Türksoy təşkilatının fəaliyyətinin genişlənməsinə və Azərbaycanın bu təşkilatın işində fəallıq göstərməsinə həmişə xüsusi diqqət yetirib.

Tədbirdə Ümummilli lider Heydər Əliyevin həyat və fəaliyyətindən bəhs edən “Heydər Əliyev – Vətənə, xalqa həsr edilin ömür” adlı videoçarx nümayiş olunub.